Ысык-Көлгө "Искандер" эмнеге келди?
КМШ өлкөлөрүнүн “Антитеррор – 2018” деп аталган аскерий машыгууларынын негизги бөлүгү бүгүн Ысык-Көлдө башталганы турат. Аны утурлай бир катар орусиялык маалымат агенттиктер менен гезиттердин жазганына караганда, Орусия бул машыгуулар үчүн Урал аймагынан “Искандер-М” ракеталык комплекстерин Ысык-Көл облусуна алып келди. Кыргызстандын күч түзүмдөрү, атап айтканда армиянын Башкы штабы менен Улуттук коопсуздук боюнча мамлекеттик комитет бул маалыматты ырастаган да, төгүндөгөн да жок.