Финполиция салык жашырган компанияны аныктады

Экономикалык кылмыштарга каршы күрөш боюнча мамлекеттик кызмат (Финансы полициясы) Оштогу компаниялардын бири салык жашырып жүргөнүн аныктады. Бул тууралуу маалымат аталган кызматтан алынды. Анда айтылгандай, Финполиция салык мыйзамдарын аткаруу боюнча текшерүү жүргүзгөн.


Анын алкагында, «С.» деп аталган жоопкерчилиги чектелген коом 2 миллион 336 миң сомдон ашык салыкты жашырып жүргөнү аныкталган. Бул боюнча Кылмыш-жаза кодексинин “Чарба жүргүзүүчү субъектилердин кызмат адамдарынын ири өлчөмдө салыктарды төлөөдөн четтеши» беренеси менен кылмыш ишин козголду. Учурда тергөө жүрүп жатат. (BkA)