აქტივისტებმა პრეზიდენტის შეწყალების პოლიტიკა გააპროტესტეს
სამოქალაქო აქტივისტებმა საქართველოს პრეზიდენტის ადმინისტრაციის შენობასთან გააპროტესტეს სალომე ზურაბიშვილის გადაწყვეტილება მკვლელობისთვის მსჯავრდებული პირების შეწყალების შესახებ.
შავ ტანსაცმელში ჩაცმულ თეთრნიღბიან აქტივისტებს თან ჰქონდათ პლაკატები წარწერებით: „სერიული შემწყალებელი“, „შეიწყალებ გავრილოვის პატიმრებს?“
საქართველოს პრეზიდენტმა 28 აგვისტოს შეიწყალა 34 მსჯავრდებული. მალევე ცნობილი გახდა, რომ მათ შორისაა 2014 წელს, ბათუმელი პოლიციელის, თარაშ მუკბანიანის მკვლელობისთვის მსჯავრდებული.
16 სექტემბერს გაირკვა, რომ შეწყალებულია 2004 წელს, დავით ოთხმეზურის მკვლელობისთვის 2018 წელს მსჯავრდებული პირიც.