11-წლიანი პაუზის შემდეგ, აშშ და ბელორუსია ელჩებს გაცვლიან
აშშ და ბელორუსია გეგმავენ ელჩების გაცვლას, თერთმეტწლიანი პაუზის შემდეგ, იმ ფონზე, როცა ძლიერდება შეშფოთება რუსეთის საგარეო პოლიტიკური განაცხადების თაობაზე.
"მაქვს პატივი გამოვაცხადო, რომ მზად ვართ ელჩების გასაცვლელად, რაც იქნება ჩვენი ურთიერთობის ნორმალიზებისკენ გადადგმული კიდევ ერთი ნაბიჯი" - თქვა პოლიტიკურ საკითხებში სახელმწიფო მდივნის მოადგილემ, დავიდ ჰეილმა 17 სექტემბერს, მინსკში, ბელორუსიის საგარეო საქმეთა მინისრტთან, ვლადიმირ მაკეისთან შეხვედრის შემდეგ. მანამდე ჰეილი შეხვდა პრეზიდენტ ალექსანდრ ლუკაშენკას, რომელიც ბელორუსიას საუკუნის მეოთხედია მართავს.
ბოლო წლებში გახშირდა შეხვედრები ვაშინგტონის და მინსკის ოფიციალურ წარმომადგენლებს შორის. გასულ თვეში ბელორუსიას ეწვია იმ დროს უსაფრთხოების საკითხებში პრეზიდენტის მრჩეველი, ჯონ ბოლტონი, რაც ორი ათწლეულის განმავლობაში თეთრი სახლის მაღალჩინოსნის პირველი ოფიციალური ვიზიტი იყო.