პომპეო საუდის არაბეთში გაემგზავრა, აშშ განიხილავს პასუხს ნავთობზე თავდასხმაზე

აშშ-ის ვიცე-პრეზიდენტი, მაიკ პენსი აცხადებს, რომ აშშ-ის არმია "მზად არის დაიცვას" ქვეყნის მოკავშირეთა ინტერესები, და ასევე ამბობს, რომ სახელმწიფო მდივანი, მაიკ პომპეო საუდის არაბეთში მიემგზავრება, რათა "განიხილოს ჩვენი პასუხი" შაბათ-კვირას საუდის არაბეთის ნავთობის ობიექტებზე მიტანილ იერიშზეო. 

17 სექტემბერს, ანალიტიკურ ცენტრ Heritage Foundation-ში გამოსვლისას, პენსმა თქვა, აშშ განიხილავს მტკიცებულებებს, რომლებიც მიანიშნებს, რომ თავდასხმის უკან ირანი იდგა. პენსის თქმით, აშშ მოკავშირეებთან კონსულტაციებს აწარმოებს, სანამ პრეზიდენტი დონალდ ტრამპი გადაწყვეტს "მოქმედების საუკეთესო გზას მომავალ დღეებში".

მედიაში ვრცელდება აშშ-ის ანონიმურად დატოვებული სამი ოფიციალური პირის სიტყვები, რომ 14 სექტემბერს საუდის ნავთობის ობიექტზე მიტანილი იერიში ირანის სამხრეთდასავლეთიდან მოდიოდა და მოიცავდა რაკეტებსაც და საფრენ აპარატებსაც. ირანი უარყოფს როლს საჰაერო თავდასხმაში, რომელზეც პასუხისმგებლობა იკისრეს ირანის მიერ მხარდაჭერილმა იემენელმა ჰუთიტმა მეამბოხეებმა - ისინი ამბობენ, რომ თავდასხმაში საჰაერო აპარატები იყო გამოყენებული.