შოთა არველაძე კორონავირუსისგან განიკურნა
ვეტერანი ქართველი ფეხბურთელი შოთა არველაძე კორონავირუსისგან გამოჯანმრთელდა. საქართველოს ნაკრების ყოფილმა თავდამსხმელმა, რომელიც ამჟამად ტაშკენტის „ფახთაქორის“ მწვრთნელია, სასიხარულო სიახლის შესახებ ინფორმაცია თავად გაავრცელა. „ბოლო ტესტის პასუხი უარყოფითია. კორონავირუსი დამარცხებულია. მადლობა ყველას, გამხნევებისთვის და თბილი კომენტარებისთვის. ყველას ჯანმრთელობას, ინფიცირებულებს კი მალე გამოჯანმრთელებას ვუსურვებ“, - დაწერა არველაძემ ფეისბუკის პირად გვერდზე. შოთა არველაძეს კორონავირუსი 23 სექტემბერს დაუდასტურდა. Читать дальше...