დონალდ ტრამპმა ბრაზილიას შესთავაზა ნატოს მოკავშირე ქვეყნად გამოცხადება
ვაშინგტონში გაიმართა აშშ-ის პრეზიდენტ დონალდ ტრამპის პირველი შეხვედრა ბრაზილიის ახალ პრეზიდენტთან, ჟაირ ბოლსონაროსთან, რომელიც 2018 წლის დეკემბერში აირჩიეს ქვეყნის ლიდერად.
საინფორმაციო სააგენტო „როიტერსის“ ცნობით, ტრამპმა მას შესთავაზა ბრაზილიის გამოცხადება ნატოს მოკავშირე ქვეყნად. ასეთ ქვეყნებს შორის არიან, მაგალითად, ავსტრალია, ისრაელი, სამხრეთი კორეა, ეგვიპტე და არგენტინა.
ტრამპის განცხადებით, ვაშინგტონი გაააქტიურებს ძალისხმევას საერთაშორისო ორგანიზაციებში, მათ შორის ჩრდილოატლანტიკურ ალიანსში ბრაზილიის ინტეგრაციის ხელშესაწყობად.
აშშ-ის პრეზიდენტი მზადაა ხელი მოაწეროს ბრძანებულებას ნატოს მოკავშირეთა რიგებში ქვეყნის მისაღებად. ბრაზილია მოიპოვებს აგრეთვე ვაშინგტონის მხარდაჭერას ეკონომიკური თანამშრომლობისა და განვითარების ორგანიზაციის წევრად თავისი კანდიდატურისათვის. ამ ორგანიზაციაში შედის მსოფლიოში ეკონომიკურად წამყვანი 30-ზე მეტი ქვეყანა. გაერთიანებაში მოხვედრა სურს რუსეთსაც.
ტრამპთან შეხვედრამდე ბრაზილიის პრეზიდენტმა შეაქო ამერიკელი კოლეგის პოლიტიკა მიგრაციის სფეროში.
ბოლსონარო 1 იანვარს გახდა სამხრეთ ამერიკის უდიდესი პრეზიდენტი. მას უწოდებენ „ტროპიკულ ტრამპს“ მემარჯვენე შეხედულებების გამო.