რუსეთიდან ვრცელდება ცნობები ორი გუბერნატორის გადადგომის შესახებ
რუსეთში გადადგნენ ჩელიაბინსკისა და მურმანსკის ოლქების გუბერნატორები, რის ფონზეც მედიაში გამოთქვამენ ვარაუდს, რომ შესაძლოა ქვეყნის სხვა რეგიონებშიც შეიცვალოს ადგილობრივი ხელმძღვანელობა.
კრემლის ვებსაიტზე გამოქვეყნებული ცნობით, პრეზიდენტმა ვლადიმირ პუტინმა 19 მარტს მიიღო ჩელიაბინსკის გუბერნატორის ბორის დუბროვსკის გადადგომა. პუტინმა ენერგეტიკის მინისტრის პირველი მოადგილე ალექსეი ტექსლერი დაასახელა გუბერნატორის მოვალეობის შემსრულებლად.
რუსეთის მედია კრემლის წყაროებზე დარყდნობით იუწყება, რომ ასევე 19 მარტს პრეზიდენტს გადადგომის შესახებ აუწყა მურმანსკის ოლქის გუბერნატორმა მარინა კოვტუნმა. კოვტუნს არც დაუდასტურებია და არც უარუყვია ეს ცნობა.
ისიც და დუბროვსკიც მმართველ პარტია „ერთიანი რუსეთის“ წევრები არიან.
2018 წლის აგვისტოში დუბროვსკი დასახელდა ეჭვმიტანილად გზის მშენებლობის სახელმწიფო ტენდერთან დაკავშირებული გამოძიების ფარგლებში.