გერმანია უსაფრთხოებას ასახელებს ირანული ავიაკომპანიის აკრძალვის მიზეზად
გერმანიამ ლიცენზია ჩამოართვა ირანის ავიაკომპანია Mahan Air-ის და ამის მიზეზად მოიტანა უსაფრთხოებასთან დაკავშირებული შეშფოთება, ისევე, როგორც ავიაკომპანიის მოქმედებები სირიაში. ავიაციის ფედერალურმა ოფისმა მიიღო გადაწყვეტილება კომპანიის თვითმფრინავებს მყისიერად აეკრძალოთ გერმანიაში დაფრენა. გერმანიის მთავრობის პრესიმდივნის, შტეფენ ზაიბერტის თქმით, გადაწყვეტილების მიღებამდე უწყებამ კონსულტაციები გაიარა ევროპელ მოკავშირეებთან და აშშ-სთან. გადაწყვეტილებას მიესალმა აშშ-ის სახელმწიფო მდივანი, მაიკ პომპეო და ვაშინტონის სხვა მოკავშირეებს მოუწოდა იგივე გააკეთონ. Mahan Air-ი სიდიდით მეორე ავიაკომპანიაა ირანში, ის 2011 წლიდან შეტანილია აშშ-ის სანქციების სიაში და ვაშინგტონი სხვა ქვეყნებს მისი დაჯარიმებისკენ მოუწოდებს. თეირანი აშშ-ს და ისრაელს ადანაშაულებს თეირანის ევროპასთან ურთიერთობისთვის ძირის გამოთხრის მცდელობაში, რათა მოხდეს საბოტაჟი 2015 წელს მიღწეული საერთაშორისო შეთანხმებისა, რომლითაც ირანს სანქციები მოეხსნა მისი ბირთვული პროგრამის შეზღუდვის სანაცვლოდ.