სულ მცირე 12 ადამიანი ემსხვერპლა თალიბანის თავდასხმას ავღანეთის სამხედრო ბაზაზე
ავღანეთის აღმოსავლეთით მდებარე მაიდან ვარდაკის პროვინციაში თალიბანის ექსტრემისტები თავს დაესხნენ სამხედრო ბაზას, რასაც სულ მცირე 12 ადამიანი ემსხვერპლა, დაიჭრა 20-ზე მეტი. რაიონის ოფიციალური წარმომადგენლები იუწყებიან, რომ დახოცილთა უმრავლესობა სამხედრო იყო. თავდასხმა დაიწყო თვითმკვლელი მოიერიშის მიერ დანაღმული მანქანის აფეთქებით, რის შემდეგაც ბაზაზე შეიჭრა სამი შეიარაღებული ექსტრემისტი და ავღანეთის უსაფრთხოების ძალებთან ორმხრივი სროლა დაიწყო. გავრცელებული ცნობებით, მოკლულია სამივე თავდამსხმელი. თალიბანის პრესმდივანმა, ზებიულა მუჯაჰიდმა განაცხადა, რომ თავდასხმის უკან ეს ჯგუფი იდგა.