Ավտովթար Արագածոտնի մարզում. Աշտարակում բախվել են Mercedes-ները. 3 անչափահասներ տեղափոխվել են հիվանդանոց
Երեկ՝ ապրիլի 18-ին, ավտովթար է տեղի ունեցել Արագածոտնի մարզում։ Ժամը 15։40-ի սահմաններում Աշտարակ քաղաքի Երևանյան փողոցում բախվել են Կոտայքի մարզի բնակիչ՝ 29-ամյա Դավիթ Դ-ի վարած Mercedes մակնիշի 11 NՍ 112 համարանիշի և Արագածոտնի մարզի բնակիչ՝ 37-ամյա Տիգրան Խ-ի վարած Mercedes մակնիշի 95 PP 909 համարանիշի ավտոմեքենաները։ Ինչպես հայտնում է ֆոտոլրագրող Գագիկ Շամշյանը, վթարի հետևանքով վերջինիս ուղևորներ՝ …
The post Ավտովթար Արագածոտնի մարզում. Աշտարակում բախվել են Mercedes-ները. 3 անչափահասներ տեղափոխվել են հիվանդանոց appeared first on ԳԱԼԱ.
Ժամը 15։40-ի սահմաններում Աշտարակ քաղաքի Երևանյան փողոցում բախվել են Կոտայքի մարզի բնակիչ՝ 29-ամյա Դավիթ Դ-ի վարած Mercedes մակնիշի 11 NՍ 112 համարանիշի և Արագածոտնի մարզի բնակիչ՝ 37-ամյա Տիգրան Խ-ի վարած Mercedes մակնիշի 95 PP 909 համարանիշի ավտոմեքենաները։
Ինչպես հայտնում է ֆոտոլրագրող Գագիկ Շամշյանը, վթարի հետևանքով վերջինիս ուղևորներ՝ 8-ամյա Մուշեղ Խ-ն և 6-ամյա Հասմիկ Խ-ն մարմնական վնասվածքներով տեղափոխվել են «Աշտարակ» բժշկական կենտրոն։
Նույն օրը, ժամը 18։00-ին Երևանի «Սուրբ Աստվածամայր» բժշկական կենտրոնից ոստիկանության Աշտարակի բաժին ահազանգ է ստացվել, որ նույն վթարի հետւանքով իրենց մոտ է տեղափոխվել Տիգրան Խ-ի մեկ այլ ուղևոր՝ 4-ամյա Արեն Խ-ն։
Դեպքի վայր են ժամանել ճանապարհային ոստիկանության 2-րդ սպայական գումարտակի 2-րդ վաշտի 1-ին դասակի ծառայողները՝ վաշտի հրամանատար Վաչե Մալաքյանի, դասակի հրամանատար Հրանտ Գալստյանի գլխավորությամբ։
Տեղում հետաքննչական աշխատանքները ղեկավարել է նույն վաշտի ավագ հետաքննիչ Անուշավան Աղաջանյանը, ում կողմից փաստի առթիվ նյութեր են նախապատրաստվում։
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
The post Ավտովթար Արագածոտնի մարզում. Աշտարակում բախվել են Mercedes-ները. 3 անչափահասներ տեղափոխվել են հիվանդանոց appeared first on ԳԱԼԱ.