ԱՄՆ-ում անհայտ անձը փողոցում կրակ է բացել, կան զոհեր (լուսանկարներ)
ԱՄՆ Սիեթլ քաղաքի հյուսիսում անհայտ անձը կրակ է բացել փողոցում, ինչի հետևանքով 2 մարդ է զոհվել, ևս 2-ը տարբեր աստիճանի վնասվածքներով հոսպիտալացվել են: Այս մասին հաղորդում է The Seattle Times-ը:
Զոհերից մեկը 50-ամյա տղամարդ է, մյուսը՝ ավտոբուսի 70-ամյա վարորդ: Վերջինս, չնայած ստացած կրակոցին, կարողացել էր շրջել ավտոբուսը և հեռանալ դեպքի վայրից՝ փրկելով ուղևորների կյանքը: Ավելի ուշ նա մահացել է:
Տղամարդը անկանոն կերպով կրակել է ավտոմեքենաներում և ավտոբուսում գտնվող մարդկանց ուղղությամբ, ինչից հետո առևանգել է մոտակայքում կայանած մեքենան, սակայն փախուստի ժամանակ բախվել է մեկ այլ մեքենայի: Նրան ձերբակալել են: