Новости за 09.04.2018

Маршо Радионо Karate.ru сайтана тIе а тевжаш, социалан машанехь гоьваьллачу оьрсийн латархочо Емельяненко Александра ша Нохчийчуьрчу "Ахмат" тобан лигана дIакхайкхош бина хаам бовзийтира хьалхо. Дукха хан йоццуш юхаэцна спортхочо шен дешнаш. Емельяненкос бахарехь, социалан машанехь шен фанаташца къамел деш, лиги юкъара ваьлла ца аьллера ша, "Ахмат"  клубан цIарах "маьрша латархо ву" муьлххачу а организацешкахь лата аьллера. Оцу юкъанна, латархочо "Патриот" клубан куьйгаллийца (Висмурадов Абузайдаца) дина контракт дац шен боху... Читать дальше...

Reebok vs месала куй Ийначу кепехь летачу дуьненаюкъарчу UFC-н къовсадаларшкахь Iамеркахо Яквинта Эл эшорца чемпион ваьлла Нурмагомедов Хьабиб наггахь а ца хIутту хьовсархошна хьалха коьртахь Кавказерчу ламанхойн месала куй боцуш. Оцу "брендах" цо охьа а буьллу дикка мах. Аьлча а, UFC латархошна рекламе яккха тIейожийна "лаба" ца юхуш, месала куй туьллий, юкъаволучу цунна ца ло кхечарна луш долу 3-5 эзар доллар. Кавказхо, дагестанхо, ша хилар массарна а дIагойту 29 шо долчу Хьабиба. Да ... Читать дальше...

Кху деношкахь Нохчийчохь лаьцна холмачалла лелош зуда. Цунна бехке дуьллу, нахана мехах пал тосуш, динехь магийна доцу дарбанаш лелош, нах вовшашна марзбеш, уьш къастош, хIуманаш лелийна хилар. Меттигерачу телехьожийлехь гайтира ханна йоккху и зуда а, цуьнгара схьадаьхна тептарш а, жайнеш а. Цо даредира доллучунна а. Холмачалла лелориг Нохчийчохь лаьцна аьлла шайна хезча, дуьххьара юкъараллехь хезарг "иза ма дика яхьна и хIума лело". Махкахь дукха хена дуьйна дихкина ду иза. ГIара а бохуш, юьхьIаьржа а хIиттош, таIзарш дина хийла стагна. Читать дальше...

Словакин коьртачу шахьарехь Братиславехь мукъаденошкахь дIаяхьначу иэдинчу латарийн турнирехь толаман меттигаш бехира Германерчу а, Австрерчу а нохчийн спортхоша. Масех шо хьалха  дуьненаюкъарчу спортехь кхоллаелла йолчу ACB спортан цхьаьнакхетаралло йоккхачу IалагIожца дIакхайкхина яра Братиславера латарийн турнир.  Цигахь дакъалоцуш бара ткъех пачхьалкхашкара латархой - Цхьаьнатоьхначу Штаташна тIера Китайна тIекхаччалц. Нохчийн къомах ворхI спортхо а вара царна юккъехь Германера а, Австрера а, Полшера а, Словакера а. Читать дальше...

"Исламан пачхьалкх" шех олучу тобан хьалханчан Ал БагIдади Абубакаран накъост Аш-Шишани Абу-Валид (Маргошвили Мурад) вийна Иракъан эскарша. Iарбойн хьосташна тIе а тевжина, бо и хаам Гуьржийчоьнан гIирсаша. Al Sumaria телехьожийлан зерашца, Иракъан Къилбехьарчу Киркук провинцехь вийна иза. Ницкъахоша операци дIахьочу заманчохь, церан карадаьхкинчу кехаташна тIехь информаци ю кхечу террорхойн тобан лидерех а яздо "Керланаш-Гуьржийчоь" хьосто. Паьнказахь вехаш вара 48 шо долу Ал Шишани Абу-Валид исламхойх дIакхетале. Читать дальше...

Роспотребнадзоран хаамашна тIе а тевжаш, "Оьрсийчоьнан газетано" хаамбина, веччалгаш жигаръйовлу мур болабелла Оьрсийчохь аьлла. Оцу хьукмато Iорадаккхарехь, карарчу баттахь Оьрсийчоьнан 35 регионера 800 стаг валийна дарбан цIийне веччалгаша къийзийна. 370 бер а ду царлахь. Веччалгех лардалар хьоьху лоьраша, веччалг дегIах ца йолийта бедар тIехь лелор а, ишшта уьш къахкош репелленташ лелор а. Роспотребнадзоро бахарехь, буьйда шура молчу хенахь а тарло веччалган энцефалит адаман кийра яха. Цундела шура кхехкийна бен мала мегар дац.

ГIалгIайчуьрчу "Россельхозбанкан" хиллачу урхалхочунна дуьхьал бухкзуламан гIуллакх диллина. Инстаграмерчу шен официалан агIон тIехь бо и хаам гIалгIайн куьйгалхочо Евкуров Юнус-Бека. "Тахана лаца кхайкхийначу "Россельхозбанкан" хиллачу куьйгалхочунна дуьхьал гIуллакх долор тхан инициативаца доладелла ду. Ас Кхерамзаллан Кхеташонанна а, хIинца банкан волчу куьйгалхочунна а тIедиллина оьшу кехаташ а, цо бинчу балхан жамIаш а ницкъаллийн структурашка дIакхачор", - яздо Евкуровс. ГIалгIайчоьнан куьйгалхочо Евкуровс бахарехь... Читать дальше...

Москохарчу Пресненскан кхело сацам тIеэцна полицин ши подполковник, Ольшанский Виктор а, Андреев Алексей а, полицин майор Селезнев Павел а шина баттана лоцуш. Нохчийчоьнан куьйгалхочун Кадыров Рамзанан Украинехь лаьттинчу векална Цицулаев Рамзанна дуьхьалдаьккхинчу  гIуллакхан хьокъехь лецна уьш. Цицулаев бехкево стаг лачкъорна а, талораш дарна а, полисхочунна тIелатар дарна а, хьарамлонаш лелорна а. Лацале хьалха кхуьй а болх беш хилла Оьрсийчоьнан чоьхьарчу гIуллакхийн министраллан зуламаш толлучу декъехь. Читать дальше...

Дагестанерчу ММА-н латархочунна Нурмагомедов Хьабибна рекордан гонорар елла UFC (Ultimate Fighting Championship) олучу латархойн чемпионатехь Iамеркарчу Эквинт Эланна техь толам баккхарна. 530,000 долларшкахь ахча делла Нурмагомедовна, ткъа цуьнан къийсархочунна кхаьчна 280,000 долларш. Karate.ru сайто бина и хаам. Оьрсийчоьнан спортан исторехь UFC-ехь толам баккхарехь дуьххьара  ву Нурмагомедов. Дагестанан куьйгалхочун дарж ханна кхочушдечу Васильев Владимира декъалвина Нурмагомедов Хьабиб.... Читать дальше...

12 шо долу кIант валаран бахьанаш зуьйш ду Шелковск кIоштан талламчаша. Талламан комитето бинчу хаамашца, Шелковская олучу куьпахь шайн цIийнан 4 метар лекхачу беданара чувоьжна бираьнчик бан гIерташ хилла кхиазхо. Йинчу чевнех хьалха ца ваьлла иза, оцу сохьта велла. Бахьанаш теллинчул тIаьхьа процессуалан сацам бовзуьйтур бу кхелахоша.

Социалан машанехь шен фанаташца хиллачу къамелехь гоьваьллачу оьрсийн латархочо Емельяненко Александра дIахаийтина, ша Нохчийчуьрчу "Ахмат" тобан лигехь кхи дIа цахиларх. Karate.ru сайто бина и хаам. РогIера шен латар Стигалкъекъа баттахь хир ду аьлла спортхочо, амма хьенан гIоьнца, билгал ца даьккхина. Набахтехь яккха тоьхна хан ерриг ца йоккхуш маьршаваьккхина хиларан бахьанашца, Оьрсийчуьра аравала цкъачунна бакъо яц Емельяненкон, цундела оьрсийн организаци хила тарло и. Стохка гурахь а... Читать дальше...

"Лакхара Ларс" олучу кIоштахь кхечу пачхьалкхийн бахархой лецна дозанхоша, пайдаэца йихкина литература дехьаяккха гIерта. Къилба ХIирийчуьрчу ФСБ-н дозанхойн пресс-гIуллакххоша бина и хаам. Кхечу мехкашкарчу бахархойн тоба сацийна къайлахчу сервисийн белхахоша оьрсийн-гуьржийн доза хадочу заманчохь, шайгахь юридикан министралло экстремизмалле лерина Федералан тептаре яьхна материалаш а йолуш.

Дийнна кIиранчохь Къилбаседа Кавказехь цхьана а кепара герзашца конфликтехь вийна, лазийна стаг вац. Иштта ду "Кавказан узел" агенталло шайн материалштIехь а, кхечу диллинчу хьосташна тIе а тевжаш, динчу зерийн жамIаш. Лецарш. Байначу беттан 27-чохь Соьлж-ГIалахь веха, стохка Iай вийначу Лорсанов Исламан ваша 19 шо долу Лорсанов Iусман дIавигина полисхоша. Шайн кIант вигарх цуьнан гергарчара хаамбира кху беттан 5-чу дйинахь. Цхьацца хеттарш динчул тIаьхьа шайн доьзалхо маьршавоккхур ву аьлла хеташ Iийнера уьш. Читать дальше...

Оханан-беттан 7-8-чу деношкахь оьрсийн эскарша СемаьIашкахь дIаяхьначу операцехь вийна лоруш ву официалан хаамашца 120-140 стаг. Амма беллачийн терахь 400-не кхоччуш лору.

Цхьаьнакхеттачу Къаьмнийн организацин Кхерамзаллин Кхеташонан 8 декъашхочо сихонца гулбалар доьху коллегашка.