Bayern Munich Lemar`la maraqlanır
ONBİR France Football`a istinadən xəbər verir ki, Bayern Munich Atletiko Madrid`in yarımmüdafiəçisi Thomas Lemar`ın transferində maraqlıdır.
Bayern Munich`in idarə heyətinin sədri Karl-Heinz Rummenigge və klubun prezidenti Herbert Hainer, Kingsley Koman`ın zədəsi, Serge Gnabry`nin stabil olmaması və Leroy Sane transferinin çətinliyini nəzərə alaraq, 24 yaşlı fransızla yaxından maraqlanırlar.
Lakin Bayern Munich rəhbərliyini Atletiko Madrid`in oyunçuya görə tələb etdiyi 60 milyon avro qane etmir. Alman klubu bu məbləğin aşağı salınacağını gözləyir.
Eyni zamanda Lemar`ın Chelsea, Tottenham və Arsenal kimi klublardan da təklifər aldığı bildirilir.
Bu mövsüm Lemar Atletiko Madrid`in heyətində La Liga`da 15 oyuna çıxıb və həlledici nəticə ilə yaddaq qalmayıb. Müsahibələrin birində komandanın baş məşqçisi Diego Simeone oyunçunun gözləntiləri doğrultmadığını bildirib.