Новости за 09.04.2021

Гәдоуҭа араион Хыԥсҭа ақыҭа иалҵыз, уаҟа аӡахәаҭра змоу Гарри Саманба арадио Sputnik арубрика "Раионк аԥсҭазаараҟынтә" аҳәаақәа иҭагӡаны еиҭеиҳәеит шаҟа шьаҭа ажь имоу, иарбан хкқәоу, аӡахәааӡара агәыбылра изыркыз атәы.

Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 13669-ҩык ыҟоуп, ргәы бзиахеит 13163-ҩык, рыԥсҭазаара иалҵит 217-ҩык.

Мшаԥы 9 азтәи адыррақәа рыла аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 13645-ҩык ыҟоуп, ргәы бзиахеит 13101-ы, рыԥсҭазаара иалҵит 217-ҩык.

Аԥсны алаҵа "Спутник V" Урыстәылантә аагаразы аилацәажәарақәа мҩаԥнагоит. Аԥхьатәи апартиа 30 000 доза ыҟоуп ҳәа лҳәахьан уаанӡа ареспублика асанитар ҳақьым хада Лиудмила Скорик.

Мшаԥы 9 рзы Тҟәарчал ақалақь 79 шықәса ахыҵит. Тҟәарчал араион ахада Исидор Дочиа арадио Sputnik аефир аҟны еиҭеиҳәеит Ақалақь-фырхаҵа арҿиаразы ажәалагалақәа программаны еиқәыршәаны атәыла анапхгара рахь ишынарышьҭыз.

Аԥсны ауааԥсыра акоронавирустә инфекциа рацәыхьчаразы Акоординациатә штаб аилатәара амҩаԥысуеит Аҟәа.

Ақалақьтәи араионтәи еизара депутатцәас ицо, иабанӡазыҟаҵо рнапы ианырҵо аус атәы арадио Sputnik аефир аҟны игәаанагара иҳәеит Жәлар реизара ԥасатәи адепутат, ауаажәларратә усзуҩ Давид Ԥлиа.

Акоронавирус азы аԥкрақәа мшаԥы 12 рҟынӡа рыҿҳәара иацҵоуп, Аслан Бжьаниа инапы зҵаиҩыз аусԥҟа инақәыршәаны.

Чебоксарыи Аҟәеи аиашьаратә еизыҟазаашьақәа рыбжьаҵаразы аиқәшаҳаҭра рнапы аҵарҩит Аԥснытәи аделегациа усутә ныҟәарыла Чувашиа рыҟазаараан.

Аԥснытәии урыстәылатәии аҟазауаа ргәаанагарала 2021 шықәсазы атуристтә сезон қәҿиарала имҩаԥысуеит.

Аԥсны хәыжәкырамза анҵәамҭаз иазыԥшын урыстәылантәи алаҵа актәи апартиа аиура. Уажәы атәыла ахада Аслан Бжьаниа инапхгарала алаҵа аагаразы аилацәажәарақәа мҩаԥысуеит.

Аԥснытәи аԥқьаҭасыҩ Амина Аншԥҳа бразилиатәи аспортсменка Лаура Пигосси дылиааиит ITF W25 актәи аикәшараҿы, Кордоба.

Игор Адлеиба мшаԥы 17 азы Екатеринбург имҩаԥысуа "Апрофессионалтә бокс ахәылԥаз" аҟны аилахәыра "RCC Boxing Promotions" ахьӡала аринг аҿы дицықәгылараны дыҟан Владикавказтәи аспортсмен Георги Челохсаев. Аха Челохсаев инапы ԥҵәеит, ақәгылара далахәхом.

Очамчыратәи ашкол-интернат акоронавирус иахырҟьаны иадыркит мшаԥы 7 рзы акоронавирустә инфекциа иахырҟьаны.

Еиуеиԥшым амилаҭқәа рыбжьара аҭаацәарақәа раԥҵара ҳтәылаҿы ишазыҟоу, аинтерес зцу афактқәеи ртәы арадио Sputnik аефир аҟны дрылацәажәеит аҭоурыхтә ҭҵаарадыррақәа ркандидат Асҭанда Ҳашԥҳа.

Аԥсны ауааԥсыра акоронавирустә инфекциа рацәыхьчаразы Акоординациатә штаб алахәылацәеи Аԥсны аԥыза-министр инапынҵақәа аамҭала иназыгӡо Владимир Делбеи реилацәажәара мҩаԥысит мшаԥы 8 рзы.

Аԥсны атәылауаа ԥшьҩык аҳәаа закәаншьаҭада рахысраан, Егры аӡиас ианыруаз иҭахеит. Рыԥсыбаҩқәа ԥшаан ақыҭа Шамгона, Қырҭтәыла аҵакыраҿы.