Новости за 18.04.2020

Аԥсны акоронавирустә ҿкы зыдбалоу ахԥатәи апациент ахәышәтәырҭа аҭалара мап ацәылкын, аҩны лҽыԥхьакны дыҟоуп мшаԥы 11 раахыс.

Абаҟақәеи аҭоурыхтә ҭыԥқәеи жәларбжьаратәи рымш азы Лӡаа ақыҭан, амшын аԥшаҳәаҿы игылоу IV-V ашәышықәсақәа ирыҵаркуа ауахәама аҭоурыхи ԥхьаҟатәи аҭҵаамҭақәеи дырзааҭгылеит аҭоурыхҭҵааҩ, археолог Руслан Барцыц. Шәаԥхьарц ишәыдаагалоит Саида Жьиԥҳа иазлырхиаз аматериал.

Аԥсуа жәлар ишазгәарҭо ала, амшаԥы аламҭалазы адгьыл иқәлоит иԥсхьоу рыԥсқәа, иубоит амч лашьцақәа ныҟәызго ацәырҵрақәа, еиуеиԥшым алаԥшҵашәарақәа.

Адунеизегьтәи арадиобзиабаҩцәа рымш азы арадио ауаҩы иԥсҭазаараҿы ҭыԥс ианнакыло Sputnik акорреспондент Саида Жьиԥҳа илзеиҭалҳәеит 32 шықәса арадиодырраҭара "Ицәажәоит Гагра" аҟны дикторс, корреспондентс аус зуаз апоетесса Белла Барцыцԥҳа.

Арасаӡыхь ақыҭа ахада Рамин Қаџьаиа арадио Sputnik Аԥсны аефир аҿы еиҭеиҳәеит акарантин аамҭазы ақыҭа анхацәа ирыԥсҭазаашьоу.

Гагра, Абазгаа рымҩала игылоу жә-еихагылак змоу аҩны азинхьчаҩцәа акәшаны иркын уа инхо руаӡәык акоронавирус анидырбала аамышьҭахь.

Ростовтәи аҳәынҭқарратә техникатә университет аҿы архитектор - апроект аиқәыршәаҩ изаанаҭ ала аԥшьбатәи акурс аҿы аҵара зҵо Аԥснытәи астудентка Алиса Шәқьериаԥҳа ҳазҭагылоу аамҭазы лҵаратә процесс шымҩаԥысуеи илылоу аҟыбаҩи ртәы дазааҭгылоит Сырма Ашәԥҳа ланҵамҭаҿы.

Аԥсны ахадас иалху Аслан Бжьаниа имаҵурахьы инеира ацеремониа мҩаԥысуеит мшаԥы 23 рзы, Ахада иусбарҭа аконференц-зал аҟны.

Ахаатәыҟаҵаҩ Алиона Ҵнариаԥҳа арадио Sputnik аефир аҟны еиҭалҳәеит сынтәа Амшаԥныҳәазы афатә аҿаҵатәқәа рганахьала аҭагылазаашьа зеиԥшроу.

Мшаԥы 17 рзы Ашәарҭадаратә хеилак ҟны иалацәажәан аҳәаа иахысны атәылахь иҭало ауаа хымԥадатәи 14-мштәи акарантин рахыжьра.