Новости за 27.03.2020

Аԥсны иахьаҵанакуа акоронавирус аламырҵәаразы аԥкыратә уснагӡатәқәа алагалоуп мшаԥы 7 рҟынӡа. Убри инадҳәаланы усбарҭақәак ррежим иҷыдоу аҭагылазаашьахь ииагоуп.

Акоронавирус азы ажәлар ирызцәырҵуа азҵаарақәа рзы Аԥсны аус ауеит иҷыдоу аҭелтә цәаҳәа, уи адгылара арҭеит ауаажәларратә еиҿкаарақәа "Кьараз", "Ашана", Аурысқәа рхеилак. Абри атәы арадио Sputnik аефир аҿы еиҭалҳәеит агәыҳалалратә фонд "Ашана" аиҳабы Мактина Џьынџьал.

Sputnik акорреспондент аҭел дасит Агәабзиарахьчара аминистрреи Аԥсны Аҳәынҭстандарти рҟны аус зуа аномер ҷыдақәа рахь актуалтә зҵаарақәа рҭак аиуразы.

Есышықәса хәажәкыра 27 рзы адунеи зехьынџьара иазгәарҭоит Атеатр жәларбжьаратәи амш (World Theatre Day).

Аҭагылазаашьа ҷыда алагалараан акоменданттә сааҭгьы алагалахоит, атранспорт аныҟәара ԥкхоит ҳәа азгәеиҭеит Апарламент ахантәаҩы Валери Кәарҷиа.

Хәажәкыра 27 атеатр иамшуп. Атеатр уамакала бзиа избоз, зырҿиараҿгьы зегь реиҳа аҽазааигәатәра зылшаз аԥсуа шәҟәыҩҩы, адраматург Шоҭа Ҷкадуа иԥсы ҭазҭгьы иахьа 88 шықәса ихыҵуан. Шәаԥхьарц ишәыдаагалоит Sputnik аколумнист Елеонора Коӷониаԥҳа иазлырхиаз аматериал.

Ашколқәа, аҵараиурҭақәа зегьы рҿы ԥсшьараамҭоуп, аха аинтернет абзоурала аҵаратә процесс хацыркхар алшоит. Иҟоума ус еиԥш аҭагылазаашьа? Абри атәы арадио Sputnik аефир аҿы еиҭеиҳәеит  жәларбжьаратәи ахәыҷтәы фонд аҵарадырразы аспециалист Рустам Аншба.

Аԥсны ахада инапынҵақәа назыгӡо Валери Бганба Апарламент ирыдигалеит аҭагылазаашьа ҷыда алагаларазы аусдҵа атекст. Адепутатцәа адокумент иахьа иҭырҵаараны иҟоуп.

Асоциалтә ҳақәа рҿы ицәырҵит аинформациа аҳәынҭқарратә ҳәааҿы аԥсуа тәылауаҩшәҟә змам ауааԥсыра ареспублика аҵакырахь иҭарыжьлом ҳәа.

Уахыки-ҽнаки рыбжьара Аԥсны аҳәынҭстандарт ахь аҭел иасит 20-ҩык инарзынаԥшуа ауаа атауарқәа рыхә ишацырҵаз атәы рҳәарц.

Афонд аҿы еизырго аԥара амедицинатә хархәагақәа, ахәшәқәа, еиуеиԥшым амедицинатә программақәа рыхә ашәара иазырхахоит.

Анаплакы "Мода-Текс" акырынтә ахархәара зуҭо амедицинатә ҿаршәқәа рыӡахразы хаҭалатәи аҿаҵақәа рыдыркылоит.