Новости за 26.03.2020

Урыстәыла иаку атуристтә ҵакыра аԥырҵо иалагахьеит Амшын еиқәа аҿықәан – Ҟрым, Кубань адгьылқәа рҟны.

Аҭагылазаашьа ҷыдақәа рзы аминистрра иатәу амедицинатә усбарҭа амедиаҳәшьа Фатима Џьопуаԥҳа арадио Sputnik аефир аҿы еиҭалҳәеит ԥсуа-аурыс ҳәынҭқарратә ҳәааҟны аушьҭырҭатә ҭыԥқәа рҟны русура шеиҿкаау атәы.

Иахьатәи аамҭазы Аԥсны акоронавирус зыхьуа ҳәа аӡәгьы дшьақәыргылам, аха уи аԥырҟәҟәааразы ауснагӡатәқәа рыдыркылоит.

Аԥсны АҶА амедицинатә усбарҭа абригада Ԥсоу аҳәаа иахысуа ауааԥсыра ргәаҭара иалагеит ахаша, хәажәкыра 25 рзы.

Иалшома акоронавирус аԥстәқәа рахьынтә ауаа рахь аиасра, насгьы урҭ ари ачымазара мҩаныргартә еиԥш ашәарҭара ыҟоума, абри атәы арадио Sputnik Аԥсны аефир аҿы еиҭеиҳәеит аҳәынҭқарратә ветеринартә маҵзура аиҳабы Роман Џьопуа.

Аслан Бжьаниа Аԥсны ахада иалхрақәа рҟны актәи атур ала аиааира и геит, иара изы рыбжьқәа арҭеит 56% инареиҳаны алхыҩцәа.

Аԥсны акоронавирус ҿкы аламырҵәаразы хәажәкыра 25 инаркны мшаԥы 7, 2020 шықәсанӡа аԥкрақәа алагалоуп.

Аҟәатәи аҳаирбаӷәаза аиҭашьақәыргылара иалагоит ҳәа рҳәеит 2019 шықәса аԥхынразы. Уи мҩаԥгахоит аинвесторцәа рыцхыраарала, аҳәынҭқарра аганахьала адгылара атәы ҳәамызт.

Хәажәкыра 25 инаркны мшаԥы 7 рҟынӡа Аԥсны иалагалоуп акоронавирус аламырҵәаразы аԥкратә уснагӡатәқәа. Ауаа рацәа злахәу аусмҩаԥгатәқәа, акорпоративқәа, ачарақәа рымҩаԥгара ҟалом, иарку афатәи амаҭәеи ахьырҭиуа аџьармыкьақәа, ауаажәларратә транспорт аанкылоуп.

Ареспубликаҿы ирҭиуа атауарқәа рыхәԥса Асертификациеи, ахархәареи, атехникатә хылаԥшреи рзы аҳәынҭқарратә еилакы хылаԥшра азырулоит. Уи аус шымҩаԥыргало атәы арадио Sputnik Аԥсны аефир аҿы еиҭеиҳәеит аилак ахантәаҩы Гарри Саманба.

Аԥсны Агәабзиарахьчара аминистрра иадыррақәа рыла, ҳтәылаҿы макьана акоронавирустә ҿкы злаҽыз ҳәа аӡәгьы дшьақәыргылам. Уи аламырҵәаразы аԥкрақәа алагалоуп.

Аԥсны аԥкратә усмҩаԥгатәқәа аларҵәоуп акоронавирустә ҿкы аҽацәыхьчара хықәкыс иҟаҵаны, убри аҟнытә ахада инапынҵақәа назыгӡо Валери Бганба иҿыцу аусҩмԥгатәқәа рзы аусдҵа инапы аҵаиҩит.

Хәажәкыра 25 инаркны мшаԥы 7, 2020 шықәса рҟынӡа Аԥсны иалагалоуп иҷыдоу аԥкратә ԥҟарақәа акоронавирус COVID-19 алаҵәаразы ашәарҭара ахьыҟоу инамаданы.

Акоронавирус алаҵәара ашәарҭа иахҟьаны Аԥсны адезинфекциатә маҭәашьарқәеи аҿаршәқәеи разымхара ыҟоуп.

Аиҿкаара "Лекфарм" анагӡаратә директор Антонина Барцыцԥҳа арадио Sputnik Аԥсны аефир аҿы ахәшәқәа рыхә ашьҭыҵра зыхҟьаз атәы еиҭалҳәеит.

Аԥсны ахада инапынҵақәа назыгӡо Валери Бганба иусдҵа инақәыршәаны, хәажәкыра 27 инаркны мшаԥымза 7-нӡа атәылаҿы ауаажәларратә транспорт аныҟәара аанкылахоит, атаксиқәа рыда.

Аԥсны Жәлар рпоет, Д.И. Гәлиа ихьӡ зху Аҳәынҭқарратә премиа алауреат, "Ахьӡ-аԥша" аорден II аҩаӡара занашьоу Витали Амаршьан иахьа аҵыхәтәантәи имҩахь днаскьаргоит. Уи игəалашəара аҳаҭыразы ҳиҿцәажәеит Аԥсны Жəлар рпоет Мушьни Лашəриа.

Аконсултә ҟәша ахыбрахь зныкала иҩналалар ҟалоит ҩыџьа аҭааҩцәа иреиҳамкәа ҳәа аԥҟара шьақәдыргылеит.

Аԥсны акарантин ахьалагалоу инадҳәаланы Аԥсны иҟоу Урыстәыла Ацҳаражәҳәарҭахь дарбанзаалак ԥсшьара ҳәа иааз Урыстәыла атәылауаҩ ацхыраара дамыҳәацт.

Гәдоуҭатәи араионтә хәышәтәырҭа хадаҿы аус зуа аинфекциатә корпус 70-ҩык рҭыԥ амоуп, иаҭахны иҟалозар - егьырҭ аҟәшақәагьы адгалахоит.

Аԥсны Аҵәахырҭатә банк абанкоматқәа зегьы аԥкыратә уснагӡатәқәа раан аус шыруц ируеит.