Новости за 11.01.2020

Аҟәа аҿагыларатә акциа хацыркын ажьырныҳәа 9 рзы. Аԥхьа ауаа еизеит Аԥсуа драматә театр аҿаԥхьа. Аамҭақәак рышьҭахь ахада Иусбарҭа ахыбра аҿаԥхьаҟа ииасит. Амш акыр инеихьаны ахыбра иажәлеит, ашәқәеи аԥенџьырқәеи ҿыхуа.

Азиндырыҩ Гьаргь Габуниа арадио Sputnik Аԥсны аефир аҿы иҳәеит Иреиҳаӡоу аӡбарҭа адкыламҭа ииашоуп ҳәа игәаанагара иҳәеит.

Рауль Ҳаџьымба идгылаҩцәа рахь инеишьҭит Аслана Барцыци Витали Габниеи.

Аԥсны Иреиҳаӡоу аӡбарҭа ахашшааратә коллегиа иазханаҵеит ҭагалан имҩаԥысыз атәыла ахада иалхрақәа рзы Аԥсны АКХ аихшьаалақәа иашамызт ҳәа.

Арадио Sputnik аинтервиу азҭаз аполитикатә ҭҵаарадыррақәа ркандидат, аполитолог, Москватәи акультура аинститут адоцент Артур Атаев Аԥсны иҟоу аполитикатә кризис ахҳәаа аиҭеит, далацәажәеит уи алҵшьас иамо ҳәа ииԥхьаӡо.

Иҳаҩсыз ашықәс цәыббрамзазы имҩаԥысыз ахада иалхрақәа раан аиҭабжьыҭара алҵшәақәа рзы АКХ аӡбамҭа закәаным ҳәа азхазҵаз аӡбарҭа ахашшааратә коллегиа аӡбамҭа амзызыркратә хәҭа Алхратә комиссиа хадахьы инеит асабша, ажьырныҳәа 11 рзы.

Апублицист Терент Ҷаниа арадио Sputnik Аԥсны аефир аҿы ҳтәылаҿы имҩаԥысуа аполитикатә хҭысқәа ахҳәаа рыиҭеит.

Амазара аԥхасҭа аҭареи абжьыхреи лҵшәас изауз амассатә еилаҩеиласрақәа реиҿкаареи рылахәреи рфакт азы ашьаус хацыркуп.

Аԥснытәи аҳәынҭқарратә университет аполитологиеи асоциологиеи ркафедра адоцент Далила Ԥлиаԥҳа арадио Sputnik аефир аҟны атәылаҟны иҟоу аполитикатә еибарххара ахәшьара алҭеит.

Аҟәа аҿагыларатә акциақәа ирылагеит ажьырныҳәа 9 рзы. Урҭ ирылахәыз Аԥсны ахада Рауль Ҳаџьымба имаҵура аанижьразы адҵа ықәзыргылаз ауаа амч ахархәарала ахада Иусбарҭа ахыбра рнапахьы иааргеит, актәи аихагылаҿы ашәқәеи аԥенџьырқәеи ԥҽны, акабинетқәа хыла-гәыла еилажьны.

Ахада Иусбарҭа ажәлараан иӡыз аҳәынҭқарра ахада имчра атрибутқәа ԥшааны аҭыԥ ахь архынҳәра алыршахеит.

Хымшуп Аԥсны ахада Иусбарҭа ахыбра аҿаԥхьа аҿагыларатә акциа мҩаԥысуеижьҭеи, уи ахада ихан аоппозициа ахаҭарнакцәа иаанкыланы ирымоуп, уаҩ дыҩнарыжьлом.

Аԥсны аԥыза-министр Валери Бганба ажьырныҳәа 11 рзы абрифинг мҩаԥигеит. Абрифинг аҿы далацәажәеит атәыла аиҳабыреи ахадеи русура мҩаԥысраны ишыҟоу.

Иреиҳаӡоу аӡбарҭа ахашшааратә инстанциа Аԥсны ахадарахьы ԥасатәи акандидат Алхас Кәыҵниа аӡбарҭа актәи аинстанциа ахада иалхрақәа аҩбатәи ртур закәантәуп ҳәа иаднакылаз аӡбаразы иашшыԥхьыӡ нанагӡеит.

Хымшуп аҿагыларатә акциа иалҵшәаны Аԥсны ахада Иусбарҭа ахыбра аанызкылаз аоппозициаа рхаҭарнакцәа уахь уаҩ дыҩнармыжьлоижьҭеи.

Аоппозициаа раԥхьагыла, Аԥсны Жәлар Реизара адепутат Аслан Бжьаниеи Аԥсны аԥыза-министр Валери Бганбеи иареи реиԥылара мҩаԥысит асабша, ажьырныҳәа 11 атәыла Апарламент ахыбраҿы.

Урыстәылатәи аладатәи арратә округ аруаа рҭаацәеи дареи жәаба рҟынӡа Аԥсны иҟоу аҭоурыхтә ҭыԥқәа ирҭааит.

Аԥсны Ажурналистцәа реидгыла ахантәаҩы Руслан Ҳашыг арадио Sputnik аефир аҟны дазааҭгылеит атәылаҟны аполитикатә еибарххарақәа раамҭазы ажурналистцәа русура аҵакы.

Иреиҳаӡоу аӡбарҭа Аԥсны Аконституциа инақәыршәаны ишьақәыргылоу аҿҳәаразы ахада иалхрақәа еиҭамҩаԥгатәуп ҳәа аӡбеит, ахашшааратә инстанциа аӡбарҭа ҭагалан имҩаԥысыз Аԥсны ахада иалхрақәа аҩбатәи ртур алҵшәақәеи аӡбарҭа актәи аинстанциа аӡбареи закәаным ҳәа иазхаҵаны.

Аҿагыларатә акциа хацыркын ажьырныҳәа 9 рзы. Аԥхьа ауаа еизеит Аԥсуа драматә театр аҿаԥхьа. Уажәтәи аамҭазы ахада Иусбарҭа, Апарламент, Аминистрцәа Реилазаара рышәқәа аркуп.

Ахәаша ауха Иреиҳаӡоу аӡбарҭа ахашшааратә инстанциа ииашам ҳәа иазханаҵеит цәыббрамзазы имҩаԥысуаз атәыла ахада иалхразы аҩбатәи атур аан иҟаҵаз алкаақәа рзы АКХ аӡбара. Аӡбарҭа атәыла ахада иеиҭалхра мҩаԥгатәуп ҳәа азгәарҭеит.

Иреиҳаӡоу аӡбарҭа Апрезидиум ашшыԥхьыӡ қәыӷәӷәарак аимукәа ианахәаԥшлак ауп атәылаҟны аҭагылазаашьа аҭышәынтәалара аналшо ҳәа рыԥхьаӡоит Рауль Ҳаџьымба ипресс-маҵзураҿы.

Иреиҳаӡоу аӡбарҭа ахашшааратә инстанциа Аԥсны ахадарахьы ԥасатәи акандидат Алхас Кәыҵниа аӡбарҭа актәи аинстанциа ахада иалхрақәа аҩбатәи ртур закәантәуп ҳәа иаднакылаз аӡбаразы иашшыԥхьыӡ нанагӡеит.

Аԥсны ахадеи Урыстәыла Ашәарҭадаратә хеилак ахантәаҩы ихаҭыԥуаҩи реиԥылара мҩаԥысит ахәаша, ажьырныҳәа 10 ахәылбыҽха.