Новости за 09.09.2019

Изыхҟьазеи Аԥсны ахада иалхрақәа аҩбатәи ртур алҵшәақәа? Иарбан ҭагылазаашьақәоу уи иаԥхьанеиуаз? Изхарада аоппозициа аҵахара? Абарҭқәа рзы лхатә анализ ҳадылгалоит Sputnik Аԥсны аколумнист Елеонора Коӷониаԥҳа.

Аԥсны Акультуреи аҭоурых-культуратә ҭынха ахьчареи рминистр Ельвира Арсалиаԥҳа арадио Sputnik аефир аҟны иазгәалҭеит Пицунда имҩаԥысуа ауарӷантә хәылԥазқәа рфестиваль аҩаӡара.

Алхрақәа рыламҭалаз Алхратә комиссиа хада аӡбамҭа аднакылеит аҩбатәи ртур аан аиааира игеит ҳәа дшыԥхьаӡатәу егьи акандидат иҿырԥшны абжьқәа реиҳарак зауз акандидат. Заатәи адыррақәа рыла, аиааира игеит Рауль Ҳаџьымба.

Цәыббрамзазы иҵуеит 30 шықәса Гагра ақалақь, акинотеатр аҿаԥхьа имҩаԥгаз амлашьратә политикатә акциа аахижьҭеи. 1989 шықәсазы ақырҭуа политика Аԥсны имҩаԥнагоз азакәандара аҿагыларазы Гагреи, Гәдоуҭеи, Пицундеи, Тҟәарчали млашьра итәеит аԥсуа милаҭ-хақәиҭратә қәԥара алахәцәа гәыԥҩыла. 12 мшы Гагра ақалақь акинотеатр аҿаԥхьа еиҿкааз амлашьра иалахәыз Ремиз Цкәуа еиҭеиҳәеит ари акциала СССР атәылақәа ишыддырбаз амилаҭ маҷ рыԥсадгьыл аҟны рзинқәа шыԥкыз.

Аклуб "Аспорт Аԥсны" администратор Карина Цикәытаниаԥҳа арадио Sputnik Аԥсны аефир аҟны еиҭалҳәеит атреилранинг азы аицлабрақәа шымҩаԥысыз.

Раԥхьаӡакәны Аԥсны имҩаԥысит урыстәылатәи аилазаара "Wild Mountain Race" еиҿнакааз треилранинг азы аицлабрақәа. Уи зҽалазырхәыз 200-ҩык инарзынаԥшуа аспортсменцәа рхыԥхьаӡараҿы иҟан 18-ҩык Аԥсны Аҳәынҭқарра атриатлон Афедерациа ахаҭарнакцәагьы.

Аԥсныи Аахыҵ Уаԥстәылеи рхадацәа ҭелла еицәажәеит. Анатоли Бибилов Рауль Ҳаџьымба дидныҳәалеит.

Заанаҵтәи адыррақәа рыла аҩбатәи атур аҿы аиааира игеит Рауль Ҳаџьымба.

Азинҭҵааҩы Инна Кәарҷиаԥҳа Аԥсны аҳәынҭқарра ахада иалхрақәа рзы арадио Sputnik аефир аҟны лгәаанагара лҳәеит.

Заанаҵтәи адыррақәа рыла Аԥсны ахада иалхразы аҩбатәи атур аҟны аиааира игеит Рауль Ҳаџьымба. Иара изы рыбжьы рҭиит 47, 38%, Алхас Кәыҵниа - 46, 19%.

Заанаҵтәи адыррақәа рыла Рауль Ҳаџьымба аҩбатәи атур аҿы аиааира игеит.

Аԥсны ахада иалхразы аҩбатәи атур мҩаԥысит цәыббра 8 рзы. Абжьыҭарахь инеиит 65,98 % алхыҩцәа.

Уилиам Шекспир имыӡӡо иҭоурых Аԥсуа драматә театр аҿы, Чехов ихьӡ зху МХТ атруппа РУСДРАМ рықәгылара, "Аурӷан хәылԥазқәа" - Sputnik Аԥсны афишаҿы.

Аԥсны аҳәынҭқарра ахада иалхрақәа рымҩаԥысшьа азы арадио Sputnik аефир аҟны лгәаанагара лҳәеит аполитолог, Аԥснытәи Аҳәынҭқарратә университет аполитологиеи асоциологиеи ркафедра адоцент Далила Ԥлиаԥҳа.

Аԥсны ахада иалхразы аҩбатәи атур мҩаԥысит цәыббра 8 рзы. Рауль Ҳаџьымба алхрақәа аҩбатәи ртур аҿы аиааира игеит заанаҵтәи АКХ адыррақәа рыла.

Зынӡа алхратә сиақәа ирнын 127 140-ҩык ауааԥсыра.

Ахада иалхрақәа аҩбатәи ртур мҩаԥысит амҽыша, цәыббра 8 рзы.

Аԥсны АКХ официалла ирыланаҳәараны иҟоуп Аԥсны ахада иалхраз аҩбатәи атур аихшьаалақәа цәыббра 9 рзы.

АКХ заанаҵтәи аофициалтә дыррақәа рыланаҳәоит ашәахьа, цәыббра 9 рзы.

Аԥсны АКХ ахантәаҩы Sputnik адырра аиҭеит ҳтәыла ахада иалхрақәа актәи ртур азтәи заанаҵтәи адыррақәа анрыларҳәо.