Новости за 17.07.2019

Ахәыҷтәы акәашаратә ансамбль "Адац" асахьаркыратә напхгаҩы ицхырааҩ, Аԥсны зҽаԥсазтәыз артистка Наҭелла Бигәааԥҳа арадио Sputnik аефир аҟны еиҭалҳәеит ансамбль аиубилеи шазгәарҭо.

Аҟәа ақалақь агәҭа иҟаз аиҿахысра иахҟьаны дҭахеит Аинар Кәыҵниа, ахәра ӷәӷәа иоуит Леон Кәыҵниа.

Урыстәылатәи Афедерациеи Аԥсны Аҳәынҭқарреи рыбжьара асоциал-економикатә усеицуразы Аиҳабырабжьаратә комиссиа аицхантәаҩцәа рыӡбрала 109 миллион мааҭ азоужьхоит Аԥсны аҳәынҭқарра.

Ахәаша, ԥхынгәы 12 рзы Гагра аҭыԥ змаз амҩатә машәыр аан хҩык ҭахеит.

Аԥсны аҵареи аҭҵаарадырреи рминистрра апресс-маҵзура аиҳабы Аслан Қәҭелиа арадио Sputnik аефир аҟны иҳәеит ахәыҷҭәы лагер "Ажәеиԥшьаа" Ауадҳара аусура ишалаго.

Sputnik аколумнист Сусанна Ҭаниаԥҳа арадио Sputnik арубрика "Жәлар рдоуҳа" аҿы еиҭалҳәеит жәлар рмедицинаҟны ахархәара змоу аҵиаа хәшәқәа ртәы.

Аԥсны зҽаԥсазтәыз артист, Таиф Аџьбеи, Рушьбеи Смыри, Рауль Лашәриеи ражәеинраалақәа ирылху ашәақәеи хыԥхьаӡара рацәала аурыс естрадатәи аҳәаанырцәтәии ашәақәа назыгӡахьо Русҭан Канџьариа ирҿиаратә мҩа атәы Sputnik акорреспондент Саида Жьиԥҳа лматериал аҟны.

Сынтәа Гәылрыԥшьи Очамчыреи араионқәа рҿы иазыԥшуп 2000 тонна рҟынӡа аҽаҩра аиура.

Хынҩажәа шықәса раԥхьа уажәааны Аԥсны дааны дыҟан Вьетнам раԥхьатәи ахада Хо Ши Мин. Дәрыԥшь ақыҭан, Ҭаркьылаа рҭаацәара дсасны дырҭан. Аҭоурыхтә хҭыс атәы еиҭазҳәо афотосахьа шыҟаҵаз арадио Sputnik иазеиҭалҳәеит, афото иану, усҟан аамыз зхыҵуаз Залита Ҭаркьылԥҳа.

Ҩыџьа ахацәа рӷьычреи рыҩны амца аркреи рганахь ала аусҭҵаара хацыркуп.

Аҵыхәтәантәи аҩымчыбжь Аԥсны акурортқәеи атуризми рминистррахь идҵаалахьеит 29-ҩык амц иржьаз атуристцәа.