Новости за 15.05.2019

Апрофессор, апедагогикатә ҭҵаарадыррақәа рдоктор, Аԥсны ахадарахь инеиуа аҳәынҭқарратә бызшәа ахьынӡа идыруа аилкааразы иаԥҵоу алингвистикатә комиссиа аиҳабы Алықьса Касланӡиа арадио Sputnik Аԥсны аефир аҿы еиҭеиҳәеит атәыла ахадас зкандидатура ықәзыргыло рзы аԥсшәазы аԥышәара шымҩаԥгахо.

Шәачатәи аҳазалхыҩцәа Ԥсоутәи аҳәааҿы аҭаҭынлых аконтрабанда аԥырҟәҟәаан.

Асертификациеи, ахархәареи, атехникатә хылаԥшреи рзы аҳәынҭқарратә еилакы афымцамч ахылаԥшра аҟәша аиҳабы Шьутиа Џьыкырба арадио Sputnik Аԥсны аефир аҿы еиҭеиҳәеит еиҳа ишәарҭам афымцатә цәаҳәақәа шалхтәу.

Атәылауаҩи аиҳабыреи- аӡбамҭа здызкылуеи иназыгӡои рыҿцәажәара. Арадио Sputnik Аԥсны астудиа аҟны актуалра злоу аиҿцәажәарақәеи, урҭ рыӡбара амҩақәа рыԥшаашьеи.

Агәыҳалалратә фонд "Кьараз" аусура аихшьааларазы апресс-конференциа мҩаԥгахоит лаҵара 16 рзы.

2019 шықәса актәи аԥшьбаразы аҳәынҭбиуџьет иаланагалеит 653 миллион мааҭ, уи иазыԥхьагәаҭаз аасҭа 31 миллион мааҭ еиҵоуп.

Ауаажәларратәи аполитикатәи усзуҩ, ареспублика абыргцәа Рхеилак ахантәаҩы Константин Озган диижьҭеи 80 шықәса аҵра аҽны иуаҩышьеи, иҟазшьақәеи, аусураҿ имаз апринципқәеи ртәы дазаатӷылоит ажурналист Екатерина Бебиаԥҳа.

Аҭаацәа рымш аҽны ашәаԥҵаҩы, апоет Анатоли Алҭеиба арадио Sputnik Аԥсны аефир аҿы иҳәеит аҭаацәара аныҟәгара ауадаҩрақәа шацу, аха уи ада ауаҩы дышхәарҭам.

Ҳазлацәажәаша ҳамоуп- акультура, аспорт, аҟазара, уи - ҳара ҳаԥсҭазаара.

Аԥсны Аҳәынҭқарра раԥхьатәи Ахада, Владислав Арӡынба игәалашәара аҳаҭыр азы афотоцәыргақәҵа аартуп Гагра.

Аԥсны еизгоу ашьапылампылтә команда ConIFA-2019 алахәхара иазку апресс-конференциа мҩаԥгахоит лаҵара 15 рзы.

Аҳәынҭқарратәи ауаажәларратәи усзуҩ Лев Шамба арадио Sputnik Аԥсны аефир аҟны дигәалаиршәеит Константин Озган.

Мшаԥы 18 рзы Аҟәа араион апрокуратура ашьаус хацнаркит Аԥсны атәылауаҩ Омар Мерцхәылаа имҵарсра инадҳәаланы.

Аԥсны раԥхьатәи ахада Владислав Арӡынба диит лаҵара 14 1945 шықәса рзы.