Новости за 10.03.2019

Аԥсуаа иазгәарҭо Жәабран-ныҳәа шымҩаԥырго атәы дазааҭгылоит Нарҭдырреи адәынтәи афольклорҭҵаареи рцентр аусзуҩ Есма Ҭодуаԥҳа.

Гал араион ақыҭанхамҩа аусбарҭа аиҳабы Ҭамаз Ҵәыџьба арадио Sputnik аефир аҟны еиҭеиҳәеит амармалташьтә пты иаҿагыланы ақәԥаразы имҩаԥырго ауснагӡатәқәа ртәы.

Мрагыларатәи аибашьыгатә ҟазарахь иаҵанакуа аспорт хкы тхеквондо ITF аҿы 19 шықәса раахыс алҵшәа бзиақәа аазырԥшуа, аспорт азҟаза, амаҟа еиқәаҵәа занашьоу, актәи адан змоу, изныкымкәа Аԥсныи, аҳәаанхыҵи аицлабрақәа рҟны аԥхьахәқәа аанызкылахьоу, иахьа Гагра араион аҿарацәа азыҟазҵо Саида Гәынԥҳа иаҳзеиҭалҳәеит ари аспорт хкы лгәазырԥхаз, анаҩс лыԥсҭазаара ишадылҳәалаз атәы.

Sputnik Аԥсны акорреспондент Сариа Кәарацхьиаԥҳа арадио аефир аҿы еиҭалҳәеит илзымдыруаз, раԥхьаӡа акәны илбахьаз аԥсаатә аԥсы шеиқәлырхаз.

Аԥсуа бызшәаҭҵааҩы, аԥсуа грамматиказы аспециалист, афилологиатә ҭҵаарадыррақәа рдоктор, апрофессор Шоҭа Ҟасҭеи-иԥа Арсҭаа 90 шықәса ихыҵит.

Амармалташьтә пты араионқәа рҿы аизгара шеиҿкаахо, уи ахәԥса шахыршәаало атәы арадио Sputnik аефир аҟны еиҭеиҳәеит Очамчыра араион ақыҭанхамҩа аусбарҭа аиҳабы Ешсоу Гәыргәылиа.

Амшаԥы ааира аҽазыҟаҵара иазку аишәаргыларақәа руак - шәыла-бысҭала амҩаԥгашьа атәы дазааҭгылоит Нарҭдырреи адәынтәи афольклорҭҵаареи рцентр аусзуҩ Есма Ҭодуаԥҳа.

Зыԥсҭазаара зегьы зхатәы бызшәа аҭҵаара иазызкыз, академик, абызшәадырҩы Шьоҭа Арсҭаа хәажәкыра 10 рзы ихыҵит 90 шықәса.  Арадио Sputnik Аԥсны аефир аҿы Шоҭа Арсҭаа еиҭеиҳәеит аԥсуа бызшәа иахьатәи аҭагылазаашьеи уи аныӡаара амҩахь иназгази ртәы.