Новости за 01.09.2018

Бзыԥҭатәи актәи абжьаратә школ арҵаҩы Маиа Чыкәбарԥҳа арадио Sputnik аефир аҟны аԥсуа бызшәа ашколқәа рҟны дырҵара азҵаара далацәажәеит.

Тҟәарчал араион аҵара аҟәша аиҳабы лхаҭыԥуаҩ Фросиа Хаҳәбиаԥҳа арадио Sputnik аефир аҟны илҳәеит, аҳәынҭқарратә аԥсуа бызшәа здыруеи иззымдыруеи еилартәаны аҵара дырҵара аԥышәа иаанарԥшыз.

Аҵарашықәс ҿыц иалагеит асабша, цәыббра 1 азы. Сынтәа раԥхьатәи аҵәҵәабжьы 2500-ҩык ахәыҷқәа рзы.

Адырра амш иазкыз агәырӷьаратә ныҳәа мҩаҧысит цәыббра 1 азы Аԥсны ашколқәа зегь рҿы.

Синоп инхо Амҷаа рҭаацәа, хәыҷгьы-дугьы цәыббрамза 1 ргәы хыҭ-хыҭуа иазыҧшуп. Абар, иааит уи амшгьы. Аҧсны араионқәеи ақалақьқәеи рыбжьаратә школқәа гәаартыла рҵаҩцәа ирҧылоит. Аҧсшьаратә мшқәа рыхганы, рхәыҷра адунеи амҵәыжәҩақәа иргәылҧраауа аҵарадырра амҩа лаша ианылоит уаҵәтәи ҳаҧсадгьыл аҧеиҧш лаша знапы иану ахәыҷқәа.

Адунеи зыршанхаз хҭысуп 2004 шықәса рзы Нхыҵ-Уаԥстәыла, Беслан ақалақь аҿы иҟалаз атрагедиа. Сентиабр азы, аҵарашықәс алагамҭазы, ашкол аҟны иҟалаз атерракт иахҟьаны, 300-ҩык инареиҳаны аҵаҩцәеи, арҵаҩцәеи, аҭаацәеи рыԥсҭазаара иалхын.

Александр Захарченкои ихьчаҩи ҭахеит нанҳәа 31 ауха, аресторан "Сепар" аҿы иҟалаз аԥжәара иахҟьаны. Ахәышәтәырҭахь днагоуп алагалақәеи ашәахтәқәеи рминистр Александр Тимофеев.

4707-ҩык Гагра араион ашколхәыҷқәа аҵарадырра амҩа ианылеит.

164-ҩык апассаџьырцәеи аекипаж алахәылацәа фҩыки аҳаирплан иҭыргеит, аҳаиртә мчра аорганқәеи Utair аусҭҵаара нападыркит.

Аҟәа араион Аҩныҵҟатәи аусқәа русбарҭа анапы ианҵоуп 1943 шықәса рзы ииз ахаҵа иӷьычра иадҳәалоу ауаа рышьақәыргылареи раанкылареи.

Аԥсны аҵареи аҭҵаарадырреи рминистр Адгәыр Какоба арадио Sputnik Аԥсны иаиҭаз аинтервиу аҿы еиҭеиҳәеит ҳтәыла ашколқәа аҵарашықәс ишазыхиоу атәы.

Зегь раасҭа зыхәԥса лаҟәыз апутевка Аԥсны ԥшьымштәи аԥсшьара иазхан, арахь аареи акрыфарачареи рыда.

Аҵареи аҭҵаарадырреи рминистр Адгəыр Какобеи атәыла Ахада Рауль Ҳаџьымбеи иахьатәи аамҭазы ашколқәа рҟны аҭагылазаашьа зеиҧшроу иалацәажәеит.

Агәыҳалалратә фонд "Ашана" ихацнаркит Манучар Чантуриеи Альберт Урусиани рыхәышәтәразы аԥареизгара. Заԥхьаҟа испортсменхашеи искульпторхашеи арҭ ахәыҷқәа ауаа зегь реиԥш иҟазаарц азы еизгатәуп 175 нызқь мааҭ.

Sputnik Аԥсны апроект аҟны ишәыдаагалоит Аԥсны Аџьынџьтәылатә еибашьра ахроника.