Новости за 18.05.2018

Ауаажәларратәи аполитикатәи усзуҩ, 130-ҩык аԥсуаа рышәҟәы авторцәа иреиуоу Олег Дамениа Sputnik Аԥсны аефир аҟны игәалаиршәеит 40 шықәса раԥхьа Аҟәа имҩаԥысыз ақәгыларатә митинг.

Аԥснытәи аделегациа аҽаланархәит Донецктәи Жәлар рреспублика аԥҵоижьҭеи ԥшьышықәса аҵра иазку аныҳәатә уснагӡатәқәа.

Лаҵара 15 рзы аџьармыкьа хадаҟынтәи Араион ҿыц ахь иныҟәо амаршруттә машьынақәа рныҟәцаҩцәа хаԥышәала атариф 15 мааҭ аҟынтәи 20 мааҭ рахь ихаргалеит. Убри инадҳәаланы ақалақьтә Еизара адепутатцәа аилатәара рыман.

Папасқьыр иҳьӡ зху Амилаҭтә библиотека аусзуҩ Ламзира Шьынқәырԥҳа арадио Sputnik аефир аҟны илҳәеит ҳаԥхьаҟа Аԥсны Жәлар рпоет Баграт Шьынқәба ихьӡала афестивальқәа рымҩаԥгара шырҭахәу.

Абокс азы Аладатәи Афедералтә округ аиндаҭларақәа мҩаԥысуеит Волгоград, лаҵара 15 - 20 рзы.

Амилаҭтә форум "Астратегиа-2025" ҳҳәынҭқарра аекономика аҿиаразы иаԥҵоу астратегиа аԥсҭазаара иалазырҵәо шьаҿаны иҟалароуп ҳәа азгәеиҭеит Sputnik аефир аҟны уи астратегиа аусутә гәыԥ иалахәыз, Аԥсны аҳәынтқарратә статистика аусбарҭа аспециалист Инал Габлиа.

Астанатәи аекономикатә форум, иналукааша аполитикцәа, абизнесуаа, аҵарауаа рҽаладырхәуеит. Сынтәа иара мҩаԥысуеит лаҵара 17-19 рзы Ҟазахсҭан аҳҭнықалақь Астана.

Акциа "Аҵх амузеи аҟны" шьаҭаркуп 1999 шықәса рзы, Франциа.Аҟәа уи уажәы ԥшьынтәуп имҩаԥысуеижьҭеи.Адунеи аҟны еицазгәарҭо "Аҵх амузеи аҟны" иалахәхоит Аԥсны Аҳәынҭқарратә музеи, Владислав Арӡынба ихьӡ зху Ахьӡ-аԥша амузеи, Дырмит Гәлиа имемориалтә музеи.

Аҳәынҭеилакы "Аԥсныавтомҩа" адиректор хада Борис Ачба имҩаԥигаз апресс-конференциаҿы далацәажәеит Аԥсны ацҳақәеи Гагратәи атунельқәа ҩбеи рҭагылазаашьа.