44 ёшни қарши олган Оксана Чусовитина таваллудини кумуш медаль билан нишонлади!
Бугун таваллуд айёмини нишонлаётган ўзбекистонлик гимнастикачи Оксана Чусовитина Жанубий Кореянинг Чежу шаҳри мезбонлигидаги Korea Cup мусобақасида иштирок этди. Таяниб сакраш йўналишида иштирок этган Оксана 14.550 балл жамғаришга муваффақ бўлди. Бу эса якунда унга кумуш медални тақдим этди. Ғолиблик мусобақа мезбони Ё Сонг Жонгга насиб этган бўлса, мексикалик Алекса Марено шоҳсупанинг учинчи поғонасига кўтарилди.
Спорт гимнастикаси. Korea Cup.
Таяниб сакраш, аёллар.
1. Ё Сонг Жонг (Жанубий Корея) – 14.817
2. Оксана Чусовитина (Ўзбекистон) – 14.550
3. Алекса Марено (Мексика) – 14.367